Страстная седьмица особенности богослужения

в полу́нощи, и блаже́н раб, его́же обря́щет бдя́ща; недосто́ин же па́ки, его́же обря́щет уныва́юща. Блюди́ у́бо, ду́ше моя́, не сном отяготи́ся, да не сме́рти предана́ бу́деши и Ца́рствия вне затвори́шися, но воспряни́ зову́щи: Свят, Свят, Свят еси́, Бо́же, Богоро́дицею поми́луй нас».
Ексапостиларий:
«Черто́г Твой ви́жду, Спа́се мой, украше́нный и оде́жды не и́мам, да вни́ду в онь. Просвети́ одея́ние ду́ши моея́, Светода́вче, и спаси́ мя»
Кондак, глас 2-й: на повечерии
«Час, ду́ше, конца́ помы́сливши и посече́ния смоко́вницы убоя́вшися, да́нный тебе́ тала́нт трудолю́бно де́лай, окая́нная, бо́дрствующи и зову́щи: да не пребу́дем вне черто́га Христо́ва».

возлю́бим, свещы́ своя́ украси́м, в доброде́телех сия́юще и ве́ре пра́вой: да я́ко му́дрыя Госпо́дни де́вы готови́ вни́дем с Ним на бра́ки. Жени́х бо дары, я́ко Бог, всем подае́т нетле́нный вене́ц.

ми́ро со слеза́ми, излива́ющи на но́зе Твои́, Человеколю́бче, и смра́да зол избавля́ется повеле́нием Твои́м: дыша́ же благода́ть Твою́ учени́к неблагода́рный, сию́ отлага́ет и смра́дом одева́ется, сребролю́бием продая́ Тебе́: сла́ва, Христе́, благоутро́бию Твоему́.

во мно́гия грехи́ впа́дшая жена́, Твое́ ощути́вшая Бо́жество́, мироно́сицы взе́мши чин, рыда́ющи ми́ро Тебе́ пре́жде погребе́ния прино́сит, увы мне! глаго́лющи, я́ко нощь мне есть разжже́ние блуда невозде́ржанна, мра́чное же и безлу́нное раче́ние греха́. Приими́ моя́ исто́чники слез, И́же облака́ми производи́й мо́ря во́ду, приклони́ся к мои́м воздыха́нием серде́чным, приклони́вый Небеса́, неизрече́нным Твои́м истоща́нием: да облобыжу́ пречи́стеи Твои́ но́зе, и отру́ сия́ па́ки главы́ мое́й власы́, и́хже в рай Ева, по полу́дни, шу́мом у́ши огласи́вши, стра́хом скры́ся. Грехо́в мои́х мно́жества, и суде́б Твои́х бе́здны кто́ изсле́дит? Душеспа́сче Спа́се мой, да мя, Твою́ рабу́, не пре́зриши, И́же безме́рную име́яй ми́лость.

просвеша́хуся, тогда́ Иу́да злочести́вый, сребролю́бием неду́говав, омрача́шеся и беззако́нным судия́м Тебе́, Пра́веднаго Судию́, предае́т. Виждь, име́ний рачи́телю, сих ра́ди уда́вление употреби́вша! Бежи́ несы́тыя души́. Учи́телю та́ковая дерзну́вшия. И́же о всех Благи́й, Го́споди, сла́ва Тебе́»

вся даде́ Ему́ Оте́ц в ру́це, и я́ко от Бо́га изы́де, и к Бо́гу гряде́т: воста́в с ве́чери, и положи́ ри́зы, и прие́м ле́нтион, препоя́сася. Пото́м же вли́я воду во умыва́льницу, и на́чат умыва́ти но́ги ученико́м, и отира́ти ле́нтием, и́мже бе препоя́сан.

хлеб, и благослови́в преломи́, и дая́ше ученико́м, и рече́: приими́те, яди́те, сие́ есть Те́ло Мое. И при́ем ча́шу, хвалу́ возда́в, даде́ им, глаго́ля: пи́йте от нея́ вси. Сия́ бо есть Кровь Моя́ Но́ваго Заве́та, я́же за мно́гия излива́ема, во оставле́ние грехо́в.

Господа нашего Иисуса Христа.

глас 8:
Чу́вствия на́ша чи́ста Христо́ви предста́вим, и я́ко дру́зи Его́, ду́шы на́ша пожре́м Его́ ра́ди, и не попече́ньми жите́йскими соугнета́емся я́ко Иу́да, но в кле́тех на́ших возопии́м: О́тче наш, И́же на Небесе́х, от лука́ваго изба́ви нас. 

глас 8: Сия́ глаго́лет Госпо́дь иуде́ом: лю́дие Мой, что́ сотвори́х вам? Или́ чим вам стужи́х? Слепцы́ ва́ша просвети́х, прокаже́нныя очи́стих, му́жа су́ща на одре́ возста́ви́х. Лю́дие Мои́, что́ сотвори́х вам? И что́ Ми возда́сте? За ма́нну, желчь: за во́ду, о́цет: за е́же люби́ти Мя, ко Кресту́ Мя пригвозди́сте. Ктому́ не терплю́ про́чее, призову́ Моя́ язы́ки, и ти́и Мя просла́вят со Отце́м и Ду́хом, и Аз им да́рую Живо́т Ве́чный.

глас 6:
Днесь ви́сит на дре́ве, И́же на вода́х зе́млю пове́сивый: венце́м от те́рния облага́ется, И́же А́нгелов Царь: в ло́жную багряни́цу облача́ется, одева́яй не́бо о́блаки: зауше́ние прия́т, и́же во Иорда́не свободи́вый Адама: гвоздьми́ пригвозди́ся Жени́х Церко́вный: копие́м прободе́ся Сын Де́вы. Покланя́емся страсте́м Твои́м, Христе́. Покланя́емся страсте́м Твои́м, Христе́. Покланя́емся страсте́м Твои́м, Христе́: покажи́ нам и сла́вное Твое́ Воскресе́ние. 
Не я́ко иуде́е празднуем, и́бо па́сха на́ша за ны пожре́ся Христо́с: но очи́стим са́ми себе́ от вся́кия скве́рны и чи́сте помо́лимся Ему́: воскресни́, Го́споди, спаси́ нас, я́ко Человеколю́бец. 

лице́м к лицу, я́коже а́ще бы кто возглаго́лал к своему́ дру́гу…….
 И́ова чте́ние.
Госпо́дь, благослови́ после́дняя И́овля, не́же пре́жняя……….
 Проро́чества Иса́иина чте́ние:
Та́ко глаго́лет Госпо́дь: се уразуме́ет о́трок Мой, и вознесе́тся и просла́вится зело́….. и ви́дехом Его́, и не имя́ше ви́да, ни добро́ты: Но вид Его́ безче́стен, умален па́че всех сыно́в челове́ческих: челове́к в я́зве сый,………… Той же я́звен бысть за грехи́ на́ша, и му́чен бысть за беззако́ния на́ша, наказа́ние ми́ра на́шего на Нем, я́звою Его́ мы исцеле́хом………………… я́ко овча́ на заколе́ние веде́ся, и я́ко А́гнец пред стригу́щим его́ безгла́сен, та́ко не отверза́ет уст Свои́х. Во смире́нии Его́ суд Его́ взя́тся: род же Его́ кто испове́сть? Я́ко взе́млется от земли́ живо́т Его́, ра́ди беззако́ний люде́й мои́х веде́ся на смерть.
К Кори́нфяном посла́ния Свята́го апо́стола Павла чте́ние. (Зачало 125):
Бра́тие, сло́во кре́стное, погиба́ющым у́бо юро́дство есть, спаса́емым нам си́ла Бо́жия есть. Пи́сано бо есть: погублю́ прему́дрость прему́дрых, и ра́зум разу́мных отве́ргу. Где прему́др? Где кни́жник? Где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией, не разуме́ мир прему́дростию Бо́га, благоизво́лил Бог, бу́йством про́поведи спасти́ ве́рующих. Поне́же и иуде́е зна́мения про́сят, и е́ллини прему́дрости и́щут. Мы же пропове́дуем Христа́ распята, иуде́ем у́бо соблазн, е́ллином же безу́мие………..

оде́ющагося све́том я́ко ри́зою, снем Ио́сиф с дре́ва с Никоди́мом, и ви́дев ме́ртва, на́га, непогребе́на, благосе́рдный плач восприи́м, рыда́я глаго́лаше: увы мне, сладча́йший Иису́се, Его́же вма́ле со́лнце на Кресте́ ви́сима узре́вшее, мра́ком облага́шеся, и зе́мля стра́хом колеба́шася, и раздира́шеся церко́вная заве́са: но се ны́не ви́жу Тя, мене́ ра́ди во́лею подъе́мша смерть. Ка́ко погребу Тя, Бо́же мой? Или́ како́ю плащани́цею обвию́? Ко́има ли рука́ма прикосну́ся нетле́нному Твоему́ Те́лу? Или́ ки́я пе́сни воспою́ Твоему́ исхо́ду, Ще́дре? Велича́ю стра́сти Твоя́, песносло́влю и погребе́ние Твое́ со воскресе́нием, зовый: Го́споди, сла́ва Тебе́.

сладкопе́нием, Та́кожде по стиху, и похвалы́ возглаша́ет певец, во глас 5:
Из истле́ния возше́л еси́ Животе́, Спа́се мой, Тебе́ уме́ршу, и к ме́ртвым прише́дшу, и сломи́вшу адовы вереи́.
Я́коже све́та Свети́льник, ны́не плоть Бо́жия, под зе́млю я́ко под спуд крыется, и отгоняет су́щую во аде тьму.
Умерщвле́н во́лею, и положе́н под земле́ю, Жизното́чне Иису́се мой, оживи́л еси́ умерщвле́на мя преступле́нием го́рьким.
Я́коже пшени́чное зе́рно, заше́д в не́дра земна́я, многопе́рстный возда́л еси́ клас, возста́вив челове́ки, я́же от Ада́ма.
Увы мне, Све́те ми́ра, увы мне, Све́те Мой, Иису́се Мой возжеле́нный, вопия́ше Де́ва, рыда́ющи го́рько взыва́ше.
Плач свяще́нный прииди́те воспои́м Христу́ уме́ршему, я́ко дре́вле жены́ мироно́сицы, да и ра́дуйся услы́шим с ни́ми……………….

канон Вели́кой субботы, глас 6-й: «Волно́ю морско́ю...»
Тропари канона:
Ад, Сло́ве, срет Тя огорчи́ся, Челове́ка зря обоже́на, уя́звлена ра́нами, и Всеси́льноде́теля, Стра́шным же зра́ком поги́бе.
Человекоуби́йственно, но не богоуби́йственно бысть прегреше́ние Ада́мово: а́ще бо и пострада́ Твоея́ пло́ти пе́рстное существо́, но Бо́жество́ безстра́стно пребы́сть: тле́нное же Твое́ на нетле́ние преложи́л еси́, и нетле́нныя жи́зни показа́л еси́ Исто́чник воскресе́нием.
Ца́рствует ад, но не ве́чнует, над ро́дом челове́ческим: Ты бо поло́жся во гро́бе держа́вне. Живонача́льною дла́нию, сме́рти ключи́ разве́ргл еси́, и пропове́дал еси́ от ве́ка та́мо спя́щым избавле́ние нело́жное, быв Спа́се ме́ртвым Пе́рвенец.
пое́м на хвали́тех стихи́ры самогла́сны 4, глас 2:
Дне́шний день та́йно вели́кий Моисе́й прообразова́ше, глаго́ля: и благослови́ Бог день седмы́й: сия́ бо есть благослове́нная суббо́та, сей есть упокое́ния день, в о́ньже почи́ от всех дел Свои́х Единоро́дный Сын Бо́жий, смотре́нием еже на смерть, пло́тию суббо́тствовав: и во е́же бе, па́ки возвра́щся воскресе́нием, дарова́ нам живо́т ве́чный, я́ко Еди́н Благ и Человеколю́бец.

2:
Благообра́зный Иосиф, с дре́ва снем Пречи́стое Те́ло Твое́, Плащани́цею чи́стою обви́в, и воня́ми во гробе но́ве покры́в положи́.
Сла́ва Отцу́, и Сы́ну, и Свято́му Ду́ху.
Егда́ снизше́л еси́ к сме́рти, Животе́ Безсме́ртный, тогда́ ад умертви́л еси́ блиста́нием Бо́жества. Егда́ же и уме́ршыя от преиспо́дних воскреси́л еси́, вся Си́лы Небе́сныя взыва́ху: Жизнода́вче Христе́ Бо́же наш, сла́ва Тебе́.

мне́ рука Госпо́дня, и изведе́ мя в ду́се Госпо́дни, и поста́ви мя среде́ по́ля, се же бя́ше по́лно косте́й челове́ческих. …………..И рече́ ко мне: Сы́не челове́чь, оживу́т ли ко́сти сия́?..............
Проки́мен, глас седмый:
Воскресни́, Го́споди, Бо́же мой, да вознесе́тся рука Твоя́, не забу́ди убо́гих Твои́х до конца́.
К Кори́нфяном послания Свята́го апо́стола Павла чте́ние.
Бра́тие, мал квас все смеше́ние ква́сит. Очи́стите у́бо ве́тхий квас, да бу́дете но́во смеше́ние, я́коже есте́ безква́сни: и́бо Па́сха на́ша за ны пожре́н бысть Христо́с. Те́мже да пра́зднуем не в ква́се ве́тсе, ни в ква́се зло́бы и лука́вства, но в безква́сиих чистоты́ и и́стины. Христо́с ны искупи́л есть от кля́твы зако́нныя, быв по нас кля́тва. Пи́сано бо есть: про́кля́т всяк ви́сяй на дре́ве. Да в язы́цех благослове́ние Авраа́мле бу́дет о Христе́ Иису́се, да обетова́ние Ду́ха прии́мем ве́рою.
И а́бие пою́т во глас 5 Аллилу́иа.
Стих: Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́.
Стих: Я́ко исчеза́ет дым, да исче́знут, я́ко та́ет воск от лица́ огня́.
Стих: Та́ко да поги́бнут гре́шницы от лица́ Бо́жия, а пра́ведницы да возвеселя́тся.
От Матфе́а Свята́го Ева́нгелиа чте́ние.
Во у́трий день, и́же есть по пятце́, собра́шася архиере́е и фарисе́е к Пила́ту, глаго́люще: Го́споди, помяну́хом, я́ко льстец он рече́ еще́ сый жив: по трие́х днех воста́ну. Повели́ у́бо утверди́ти гроб до тре́тияго дне: да не ка́ко прише́дше ученицы́ Его́ но́щию, украду́т Его́ и реку́т людем: воста от ме́ртвых. И бу́дет после́дняя лесть го́рша пе́рвыя. Рече́ же им Пила́т: и́мате кустоди́ю, иди́те утверди́те, я́коже ве́сте. Они́ же ше́дше утверди́ша гроб, знамена́вше ка́мень с кустоди́ею.

ад стеня́ вопие́т: разруши́ся моя́ власть, прия́х Ме́ртваго я́ко Еди́наго от уме́рших: сего́ бо держа́ти отню́д не могу́, но погубля́ю с Ним, и́миже ц́рствовах: аз име́х мертвецы́ от ве́ка, но Сей (Се) всех воздвиза́ет. Сла́ва, Го́споди, Кресту́ Твоему́ и Воскресе́нию Твоему́.