Слайд 11
![ДОГОВОРЫ 904/907 И 911 ГГ. Посла к нима в град Карла,](/_ipx/f_webp&q_80&fit_contain&s_1440x1080/imagesDir/jpg/611572/slide-10.jpg)
ДОГОВОРЫ 904/907 И 911 ГГ.
Посла к нима в град Карла, Фарлофа,
Вельмуда, Рулава и Стемида… И заповеда дати воем на 200 корабль по 12 гривен на ключ. И потом даяти уклады на Русьскыя грады: первое на Киев, таже на Чернигов, и на Переяславль, и на Полтеск, и на Ростов, и на Любеч, и на прочая города, по тем бо городом седяху велиции князи, под Ольгом суще.
Да приходячи Русь сълебное емлют, елико хотячи. А иже придут гостие, да емлют месячину на 7 месяць: хлеб, и вино, и мяса, и рыбы, и овощем, и да творят им мовь, елико хотять. Поидучи же Русь домови, да берут у цесаря вашего на путь брашно, и якоря, и ужа, и пре, елико надобе.
И яшася Греци, и реста цесаря и боярьство все:
Аще приидуть Русь без купли, да не взимают месячины. Да запретит князь сълом своим, да не творят пакости в селех и в стране нашей. Приходяще Русь да витают у святаго Мамы. Да испишют имена их, и тогда возмут месячное свое. И да входят в град одними вороты, с цесаревым мужем, без оружья, муж 8. И да творят куплю, якоже им надобе, не платяче мыта ни в чемже.
Мы от рода Рускаго: Карлы, Инегелд, Фарлоф, Веремуд, Рулав, Гуды, Руалд, Карн, Фрелав, Руал, Актеву, Труан, Лидул, Фост, Стемид, иже послани от Олга великаго князя Рускаго и от всех иже суть под рукою его светлых и великих князь и его великих бояр, к вам, Лвови и Александрови и Костянтину, великим о Бозе самодержьцем цесарем Греческым, на удержание и на извещение от многих лет межи хрестианы и Русью бывьшюю любовь, похотеньем наших великих князь и по повелению от всех иже суть под рукою его сущих Руси.
По первому слову да умиримся с вами, Грекы. Да любим друг друга от всея душа и изволения. … Аще кто убьет или хрестьянина русин, или хрестьянин русина, да умрет, идеже аще сотворит убийство. За ударенье или бьенье да вдаст литр 5 сребра по закону Русьскому. … О работающих в Грецех Руси у хрестьянскаго цьсаря: аще кто умрет, не урядив своего именья, ци своих не имат — да възратит имение к малым ближникам в Русь.