Һасын дасанда хуралай үедэ 800 ламанартай зэргэ уншажа байхадань, барас
бүдүүн хоолойнь илгаран хүнхинэжэ, дасанай сонхын шэлнүүд шэнхинэжэ, сүгсэ соохи уһан салгидажа байдаг һэн гэхэ. Тиихэдэнь түбэд ламанар буряад ламада хоролхожо, тэрэниие хардажа, толгойн саазада хүртөөе гэжэ шиидхэбэ. Галшиев багшадаа хандахадань, нютагайнгаа сабдагые дууда гэжэ заажа үгэhэн байна. Шалсаана Буурал баабайгаа дурдажа, үдэр һүнигүй зальбарба. Саазалха үдэрынь гэнтэ хада уулын тухай айхабтар томо, дэлһэ һүүлээ хиисхүүлһэн хүлэгтэй, буряад дэгэлтэй үбгэн баатар буурал сагаан һахалаа хиисхүүлэн, номо һадагаа тэдээн тээшэ һүртэйгөөр дэлижэ байба. Энэ болобол буряадай ехэ сабдаг Шалсаана Буурал баабай өөрөө ерэжэ, нютагайнгаа хүбүүе абарhан юм.
Шалсаана Буурал баабай