Қазақ театр және кино өнерінің тарландары Құман Тастанбеков пен Меруерт Өтекешова
мәңгілік махаббатың нышанына айналды. Оған қос тарланның «Қыз Жібек» көркем фильмінде ғашықтардың рөлін ойнауы себеп болды.
Бұл фильм халық ауыз әдебиетінің інжу-маржаны «Қыз Жібек» жырының жемісімен түсірілді. Басты рөлдерде Қ.Тастанбеков пен М.Өтекешова ойнаған. Құман Төлегеннің, Меруерт Қыз Жібектің бейнесін терең түсініп, шеберлікпен ойнады. Халықтың ықыласы мен қошеметіне бөленді. Төлеген жар іздеп, Сырлыбайдың еліне келеді. Көп қыздың ішінен Сырлыбайдың қызы Жібекті ұнатып, ынтызар болады. Алайда Төлегеннің әкесі Базарбай –оған қарсы болады. Төлеген әкесінің қарсылығына қарамай, сүйіктісі Жібектің еліне келеді. Сырлыбай елінің сарбазы Бекежан да Жібекке ынтызар болып, ғашықтардың махаббатын қызғанады. Сөйтіп, ол Төлегенді өлтіреді. Оны естіген Жібек Жайық өзеніне батып өледі.
Өнер тарландары Қ.Тастанбеков пен М.Өтекешованың ойнауымен «Қыз Жібек» махаббат дастаны халық санасында қайта жаңғырды. Екі актердің өнердегі, өмірдегі ұстанымдары үйлесім тауып, олар 1970 жылы отбасын құрды. Құман мен Меруерт мәңгілік махаббаттың, пәк сезімнің нышанына айналса, «Қыз Жібек» фильмі қазақ киносының алтын қорына айналды.
Қ.Тастанбеков пен М.Өтекешова М.Әуезов атындағы Қазақ драма театрында көптеген рөлде ойнады. «Сахна саңлағы» атанды. Көрермендердің қошеметіне бөленді. Құман Тастанбеков «Біздің Ғани», «Аққулар ұшып келеді», «Ерекше күн» т.б қойылымдарда ойнады. Қос шебер бір ғана маусымдық емес, мәңгілік сахна саңлағына айналды.
2-тапсырма. Мәтінді оқы. Қою қаріппен берілген сөздердің мағынасын анықтаңыз.