სხვა კომპანიებთან პარტნიორობა მარკეტინგულ სისტემაში
მყიდველის ფასეულობის შექმნის გზაზე, კომპანიამ საკუთარი
ფასეულობათა ჯაჭვის განხილვის გარდა,უნდა გამოიკვლიოს მისი მომმარაგებლების, დისტრიბუტორებისა და მყიდველების ფასეულობათა ჯაჭვები. განვიხილოთ McDonalds-ი, ის მთელ მსოფლიოში 30 000 რესტორანს ფლობს, რომლებიც დღეში საშუალოდ 46 მილიონ მყიდველს მასპინძლობს და სწრაფი კვების ბაზარზე 43% შემოსავალს იღებენ. McDonald's-ის გარშემო ამდენი ხალხის ტრიალის მიზეზი მხოლოდ ჰამბურგერის სიყვარული არ არის. ასეთი რაოდენობის მყიდველის არსებობის მიზეზი არა მარტო McDonald's პროდუქციაა. მსოფლიოს მასშტაბით კომპანიამ შეძლო მაღალი სტანდარტების მქონე მიწოდების სისტემის ჩამოყალიბება. ამ სტანდარტებს კომპანია QSCV –ით (quality, service, cleanliness, value) აფასებს – ხარისხი, მომსახურება, სისუფთავე და ფასეულობა. McDonald's–ის სისტემის ეფექტურობის მიზეზი არის წარმატებული პარტნიორობა ფრანჩაიზის მფლობელებთან (franchisee), მიმწოდებლებთან და სხვა ერთეულებთან, რათა გამორჩეულად მაღალი ხარისხის ფასეულობა ერთობლივად მიაწოდონ.