Ишбирҙе ауылында китапхана 1954 йылда асыла. Тәүге китапханасы булып Кирәева Фәһимә
эшләй, һуүынан- Әҙеһәмова Раяна, Юнысов Рәшит китапханасы булалар. 1963-64 йылдарҙа атайым- Юнысов Мәһәҙи эшләй. Китапханала, 30 йәшендә генә фажиғәле мәрхүм булып ҡалған атайымдың почергы менән яҙылған яҙмалар табыу минең өсөн оло ҡыуаныс булды. Мин дә уның кеүек китаптарҙы ныҡ яратам, уның юлынан китеүемә бик шатмын. Артабан оҙаҡ йылдар Моратова Асия Әғзәм ҡыҙы китапхана мөдире була һәм уның вафатынан һуң, 1978 йылда Юнысова Сәрүәр Салауат ҡыҙы ҡабул итеп алып 35 йыл хеҙмәт итә. 2013 йылдан Дәүләткильдина Ләйсән Сәфәрғәле ҡыҙы һәм 2019 йылдан мин-Тләүсина Гөлфиә эшләйем.