Даш чонарының бешки салгалынга салгал дамчаан, адаларының соон салгаан оолдары, дуңмалары,
төрел аймактар, алышкылар шылгарап үнгеннер. Оларга Александр Ойдуптуң дуңмазы Орлан Ойдуп, Саая Көгелдиң оглу Саая Хүлер-оол, Саая Борбак-оолдуң оглу Саая Владимир, үш алышкы Юрий, Радик, Оюн-оол Салчактар, Алексей Артаа, Алексей Кагай-оол, Сарыг-оол Бышкак, Чечек-оол Байыр-оол, Олег Барба, Кара-оол Бичелдей, Кара-оол Күжүгет.
Кайгамчыктыг шеверлерниң ажыл-чорудулгазының ачызында Кызыл-Дагдан (Көп-Сөөктен) 40 ажыг кижи ССРЭ-ниң, Россияның Чурукчулар Эвилелиниң кежинүнүнге киргеннер.