Слайд 3
![Токсикоздар (гестоздар) деп ұрықтанған жасуша мен оның қандай да бір элементтерінің](/_ipx/f_webp&q_80&fit_contain&s_1440x1080/imagesDir/jpg/584506/slide-2.jpg)
Токсикоздар (гестоздар) деп ұрықтанған жасуша мен оның қандай да бір элементтерінің
дамуына жауап ретінде орталық жүйке жүйесінің, тамырлық және зат алмасу бұзылыстарының әсерінен пайда болатын көптеген симптомдарымен сипатталатын жағдай. Ұрықтанған жасуша мен оның элементтерін жойған кезде бұл жағдай жоғалады. Жүкті әйелдердегі бұл жағдайлар даму уақытына байланысты жіктеледі. Ерте токсикоздар мен кеш гестоздар деп ажыратады. Олар өздерінің клиникалық ағымына байланысты жіктеледі. Ерте токсикоз көбінесе I триместрде кездеседі, және жүктіліктің II триместрінің басында жойылады. Гестоздар жүктіліктің екінші және үшінші триместрлерінде дамиды. Ерте токсикоздың дамуын түсіндіруге тырысатын бірнеше теориялар бар: рефлекторнлы, неврогенді, гормоналды, аллергиялық, иммунды, кортико-висцеральды. Ерте токсикоздың патогенезінде басты рөлді орталық жүйке жүйесінің функциональды жағдайының бұзылысы атқарады. Жүктіліктің ерте мерзімінде ерте токсикоздың симптомдары асқазан-ішек жолдарының бұзылыстарымен сипатталады. Асқорытулық рефлекстердің дамуы диэнцефалды облыстың вегетативті орталықтарымен байланысты. Шеткеріден түсетін афферентті сигналдар (жатыр рецепторының өзгерістерінен немесе өткізуші жолдардың өзгерістерінен) өзгерген сипатта болады, жауап қайтаратын эфферентті импульстерді өзгертетін диэнцефалды облысы орталығының өзінде өзгерістер дамиды. Жүйенің сезімталдығының бұзылысы кезінде рефлекторлы реакциялардың және асқорыту қызметінің бұзылысы пайда болады: тәбеттің жойылуы, жүрек айну, сілекей ағу (саливация), құсу. Ерте токсикоздың дамуында нейроэндокринді және зат алмасу бұзылыстары үлкен рөль ойнайды, осыған байланысты аурудың өршуі кезінде су- тұзды, көмірсу және май алмасуында , кейін ақуыз алмасуында өзгерістер дамып, дене салмағының азаюы жүреді.Гормоналды жағдайдың бұзылысы патологиялық рефлекторлы реакциясын тудырады. Жүкті әйелдер құсуында құсудың басталуы хорионды гонадотропиннің деңгейінің жоғарлауына сәйкес келеді, кейде бүйрек үсті безінің қызметінде кортикостериодтардың төмендеуі жүреді.